Skarp vintersol og fleire vakre soloppgangar

I går var det januar, i dag er jaggu meg februar i gong. Denne siste januarveka har vore kald, i alle fall til Stavanger å vere (som eg også nemnde førre sundag), men det har vore opphald og eigentleg ganske fint. Kvardagsspasertur på tysdag og ein helgegåtur i går, for me må jo nytte sjansen medan vêret er bra. Kva anna har eg å fortelje? Tja, ikkje så mykje. Dagane på jobb går over i kvarandre, det er mykje prising, men eg får no auge på mange fine bøker. Eg koser meg med å finne bøker som eg ønskjer å lese (ikkje at det er bokmangel, altså, tvert i mot), me prøver stadig å ordne ting her i heimen, og me er godt i gong med eit nytt orkesterprosjekt. Fleire fine ting på lista denne gongen:

 

✦ ny kosekrimbok, nemleg Buried in a Good Book av Tamara Berry

✦ komme oss ut på ein tur i nabokommunen i går trass noko sur vind 

✦ hengje opp ein fuglematar rett utanfor stovevindauget, og i dag var det ein blåmeis som åt litt mat 

✦ "The Great New Year's Bake Off 2025/26" – gøy med eit gjensyn av tidlegare deltakarar

✦ roleg sundag med litt småpusling i heimen

✦ skjønner godt at Du eneste av Hilde Hagerup har fått mange gode meldingar, vondt og godt skrive

✦ den skarpe januarsola på ein liten spasertur i nabolaget

✦ litt av eit skuggespel på stoveveggen

✦ ein episode av "Min favorittmusikk" med Silje Lundblad, og det er fleire musikallåter 

✦ kaffi, lesing og knallgode kanel- og kardemommebollar kjøpt på REKO-ringen 

✦ høgtlesing av minnelappar, vår mimretradisjon over året som har gått 

✦ himmel i brann – tenk at eg kan gå ut på terrassen og nyte dette om og om igjen

✦ Grace Gillespie lagar heilt nydelege trykk, mellom anna av vårblomar 

✦ mønster i isen då me gjekk i Melsheia i går 

✦ starte eit par av morgonane med lesing foran omnen 

✦ kontakte meklar med tanke på sal av leilegheita 

✦ blei mykje lesing på orkesterøvinga, men me fekk no spelt litt også 

✦ halledussen, for ein skjønn minikvalp som blir passa på av ein fin katt

✦ vakre omslag på bøker blir eg aldri lei 

✦ gå til jobb og verkeleg beundre soloppgangen

✦ laurdagstaco og kjekk film 

✦ høyre kjærleikstemaet frå Love Story på radioen ein morgon

✦ Hulda Garborgs Sovande sorg var fyrste bok ut i mi eiga leseutfordring