Trur me trong det begge to, å starte jula med nokre timar ved Jæren Flytesenter. Me køyrde ut i ni-tida i går morgon, og soloppgangen var heilt nydeleg. Denne gongen hadde me tinga både flytetank og spa, det vil seie ein times flyting og sidan ein time i eit anna rom der dei har både iskulp, badstove og boblebad. Joda, eg har nemnt det før, men å flyte i ein tank der vatnet inneheld 26 prosent mineralsalt, kjenne seg vektlaus, det er som balsam for sjela. Avslappande var det også med spapakka (puh, den iskulpen var kald!), og eg blir like glad kvar gong av å sjå den søte flodhesten på ei lita hylle på toalettveggen. Kan varmt anbefale eit par timar på eit flytesenter i juletida!
Legg igjen ein fin tanke