31. aug. 2014

Siste dagen og helga i august

Etter ein ordentleg flyttedag i går, var det nok med ein køyretur frå Sola til Stavanger i dag. No er nemleg alle eskene og så godt som alle tinga våre godt plassert, men ikkje pakka ut, i leilegheita. Har enno nokre småting her heime som skal bort, som klede og dyner, men det tar no ikkje lang tid å flytte på når den tida kjem. Kom oss av garde med varebilen litt over ti etter frukost, og før klokka var elleve, hadde me tømt heile bilen og var på veg til Sola igjen. Herleg å få det gjort! Fekk skifta til litt finare klede, og så drog kjærasten min og eg ein tur ut til Tou Scene der det var haustmarknad. Her var det både gamle ting og vintageklede, god mat og også fine og heimelaga ting som smykke, vesker og måleri. Fann ei knallraud kåpe til hundre kroner og ein grøn kjole med kvite prikkar til femti kroner, så eg synest det var vel verdt turen. Traff i tillegg ei barndomsveninne og det er jo alltid koseleg :) Skulen igjen i morgon, men før den tid koser eg meg med sundaglista:

overta bustaden og gå rundt i den og kjenne at "denne er vår, dette skal bli vår eigen heim"
✦ sjå Endeavour (eller Unge Inspektør Morse som serien heiter på norsk)
✦ som vanleg le litt og kose meg med fine dyrebilete som dette og dette
✦ og også le av denne bileteserien der ein mann har fridd til fleire av Disneyprinsessene
✦ høyre ein mann spele "I Don't Know How To Love Him" frå Jesus Christ Superstar, "I Know Him So Well" frå Chess og "Ballade Pour Adeline" av Richard Clayderman på eit piano medan eg vandra rundt på Kvadrat
✦ lese ein fin kommentar om det å vere introvert
✦ gå rundt på Tou Scene, som nesten er ein stor labyrint, og kikke på alt det fine
✦ tenk å ha ein sånn herleg stil som Jennifer (Ali MacGraw) har i Love Story, og då særskilt den raude kjolen eit stykke ned på sida
✦ for ein fargerik heim
✦ få flytta så å seie alle tinga våre på litt over eitt døgn
"9 tegn på at dere bør gifte dere" og "Triller terningkast på ekteskapet hver dag"
✦ gå rundt i sommarkjole siste dagen i august

2 kommentarer:

Moder'n på Møre sa...

Du må ikke kjøpe mer klær nå, før du har vært her og gått gjennom haugene jeg har plukket ut av skapa mine :-) Håper du stikker av med MASSE!!
Ellers skulle jeg gjerne vært i Stvg og deltatt i innflyttingsprosessen - sikkert spennende!

Silje sa...

He, he! Eg skal prøve å halde meg i skinnet fram til fredag ;) Me var i leilegheita i godt over tre timar i dag der me alle fire jobba (i stova og på badet). Trur det kjem til å bli bra etter kvart :)