31. des. 2015

2015 i korte trekk

Året er snart omme. Berre nokre timar igjen og plutseleg er 2016 her. 2015 har vore eit tungt år skulemessig. Eg har ikkje heilt funne min plass på det studiet eg går sjølv om eg no berre har eitt semester igjen. Å vere den einaste som tar studiet på normert tid er noko av grunnen til at det har vore tøft fordi eg ikkje har nokon andre i same situasjon som eg kan snakke med om fag, oppgåver o.l. Men eg skal klare å fullføre, og på det private planet har 2015 vore eit av mine beste år, utan tvil! 30.mai står igjen som den mest minnerike dagen, ein dag som til no var og er den største i mitt liv. Å seie "ja" til min beste ven og feire dagen saman med alle dei som betyr mest for oss, er så utruleg fint å tenkje tilbake på! Å kjenne seg så elska, kjenne kjensla av å vere forelska sjølv etter sju år, vakne opp som mann og kone...jo, 2015 har vore eit fantastisk år med tanke på kjærleiken!

Me har også farta litt rundt om i landet, der juli månad var den travlaste med tur til Kråkerøy, Vinjerock med den beste gjengen og til slutt ei veke på Sunnmøre. I mai var me på Årnes i konfirmasjon, og i oktober hadde me ei herleg veke på Rhodos. Spelekveldar med vener, kjekke konsertar med orkesteret og mange fine gåturar har også vore ein stor del av 2015. Å jobbe som badevakt ved sidan av studiene og orkesteret har eg òg brukt tid på i løpet av året. Det gir meg avbrekk og glede, for eg sit ikkje berre stille og ser på bassenget; eg får jo også prate med kundar og vere servicemenneske, noko eg trivst godt med. I løpet av året har me også hatt to turar til Austlandet for å sjå musikalar og besøke våre fine tante- og onkelbarn. Er så kjekt å få lære dei å kjenne meir og meir for kvar gong! Me er heldige som har så flotte familiar, vener og kjente i kvardagen vår og livet vårt. Me har rett og slett mykje å vere takksamme for, og alt i alt har 2015 vore eit fint år. Gleder meg til alt det 2016 har å by på. Takk for det gamle, og godt nytt år!

4 fine tankar - legg igjen noko fint du også

tea sa...

Godt nytt år, kjære Silje! <3 Håper 2016 blir et flott år!

Silje sa...

Og takk det same til deg, fine Ida! <3

Moder'n på Møre sa...

Godt nyttår til deg og "han fine"! Takk for at vi fikk låne han noen dager i romjula - det var snilt gjort :-) for du ville vel gjerne hatt han der hele tiden, tenker jeg. Rart for oss at han ikke var her og passet sin faste jobb som julegaveutdeler :-)
De søte små har vi akkurat nå gleden av å ha her i huset. I kveld har vi hatt litt fyrverkeri og spist pizza og fruktsalat med krem. Tror de to minste ble noe overtrøtt til slutt, så nå er de puttet i senga. Den kjekke storejenta får drøye det litt. Dessverre reiser de i morgen. Også eldstebror tar turen tilbake i morgen, så da blir det plutselig lite folk her igjen! Ja, ja - høytider kommer og forsvinner ganske fort, dessverre. Men slik er det nå engang. GODT ÅR 2016 TIL DERE I STAVANGER!

Silje sa...

Godt nytt år til alle de der oppe på Sunnmøre! :D Her hadde me ei kjempefin feiring inn i det nye året saman med gode vener! Å ha dei små på besøk høyrest også ut som ein fin måte å feire nyttår på :) Skal hilse så mykje frå han fine ^^

Legg igjen ein fin tanke