18. nov. 2015

Liten topptur ved hytta

På sundag, rett etter frukost og før me byrja på skulearbeid og slikt, tok me på oss gode ytterklede, fjellsko og gjekk ein liten tur. Me gjekk opp til ein topp i nærområdet rundt vatnet der hytta vår ligg. Det var ganske så vått ute etter både regn og hagl frå dagen før, men det var likevel så godt å kjenne frisk luft og nye utsikta. Trur me trengte det etter ein ganske så stillesitjande laurdag.


Oppe på toppen gjorde eg meg litt til. Alltid litt morosamt å tulle og tøyse foran kameraet, og så var eg glad for å endeleg ta i bruk den nye jakka eg kjøpte hos BergansDevoldfabrikken i sommar. Romseleg lommer (eg hadde både panneband og hansker med meg i lommene på den lille turen vår) og ein midje som er innsvinga, er noko av det eg fall for då eg fann jakka. Eit røvarkjøp!


Min betre halvdel måtte jo også posere litt ;) Det var ikkje lange turen, men det gjorde likevel godt for både kropp og sjel. Og med så bra selskap og den pene utsikt, kan eg ikkje klage :)


Måtte stoppe litt på veg ned for å titte på og ta bilete av all den fine mosen som låg rundt omkring. Kom tilbake til hytta og der fekk me gjort ein god del. I ferjekøen på veg heim, høyrde me eit opptak av programmet 20 spørsmål på radioen. Håper det ikkje blir så altfor lenge til ei helg på hytta!

4 fine tankar - legg igjen noko fint du også

Rania {Rowan Tree} www.rowantree.se sa...

Svar: Ja visst är hon? Alla kattungar är ju himla söta men... Molly har något speciellt ändå, tycker vi såklart ;)

Silje sa...

Er så enig i at alle kattunger er søte, men det er jo så klart noe spesielt med den man har hjemme :)

Kake sa...

Fine bilder, og ser ut som det var bra utsikt der! :)

Silje sa...

Alltid herleg med ein tur ut i skog og mark. Og ei fin utsikt er jo berre ein ekstra bonus :D

Legg igjen ein fin tanke