19. aug. 2015

Noko blått


Øyredobbane til bryllaupet hadde eg jo funne lenge før datoen var sett. Eg elskar jo alt det kongeblå, så då eg fann desse på etsy.com, berre måtte eg ha dei ;) Sleit lenge med å finne eit smykke som kunne matche øyredobbane. Plutseleg såg eg desse glasperlene, heilt like som dei i øyredobbane, og då eg også fann desse til å ha dei oppi, var saka avgjort. Tenk så mykje fint ein kan finne via Etsy :) Fekk limt ei perle i perlekappa og den blei så lik øyredobbane som det går an når dei ikkje er kjøpt i den same butikken. Når det gjeldt pynt eller slør i håret, fann eg ein del inspirasjon på Pinterest. Eg ville ha det enkelt og var ganske sikker på at eg ikkje ville ha slør. Og så har eg sjeldan håret i hale, så eit kriterium var at håret skulle vere mest mogleg laust. Har lenge synst at ein hårbøyle med bladmønster på kunne vere noko, og ein slik fann eg også på, jepp, Etsy. Etter kvart som dagen nærma seg, byrja eg å sjå på det som blir kalla "birdcage veil", eit lite slør som ein har berre rundt ein del av hovudet. Eg skulle i så fall ikkje ha mykje, men fekk lyst til å prøve å sy eit lite eit sjølv og sjå korleis det kunne passe med hårbøylen. Kjøpte litt netting her, og då eg fekk nettingen i posten, følgde det faktisk med instruks på korleis ein kunne sy sitt eige slør (må berre skyte inn her at det øvste og det nedste biletet er fotografert av Julie Vold). På sjølve dagen, festa me, forlovaren min og eg, nettingen med fliseklemmer og mykje hårspray etter å ha krølla håret og fått på plass hårbøylen. Dei kongeblå detaljane stod i stil til skoa mine og buketten, og mannen hadde kongeblått tørkle og sløyfe. For meg gjorde desse detaljane antrekket komplett :)

4 fine tankar - legg igjen noko fint du også

Ida sa...

Så utrolig fine detaljer! Og så fin du var! ^^ Likte utrolig godt fargen på øredobbene og smykket. Utrolig vakker farge. Etsy altså. Overrasker stadig.

Silje sa...

Tusen hjarteleg takk, Ida! ^^ Einig i at Etsy stadig overraskar :) Og den kongeblå fargen er den eg liker aller best, og eg er så glad for at eg fekk til å få med slike detaljar på vår store dag ^^

ami sa...

Du var jätte fin där måste jag ju säga :)

Silje sa...

Så hyggelig å høre, Ami! Tusen takk :)

Legg igjen ein fin tanke