26. juli 2015

Tilbake til jobb, men fyrst ei lita liste

No er det gått nokre veker sidan førre sundagsliste. Men sånn blir det når ein er ute og reiser to og ei halv veke i strekk. Er no heime igjen i Stavanger, for i morgon tidleg er det av garde til jobb på Gamlingen. Har hatt ei fin veke på Sunnmøre sjølv om vêret ikkje viste seg frå si aller beste side ;) Og i og med at det er ei stund sidan førre liste, vil det vere ein del punkt på lista denne sundagen:

✦ dei fine konsertane, dei beste folka og den herlege stemninga på Vinjerock
✦ denne fine teksten med alle dei ulike og vakre svara på korleis dei veit at partneren er den rette
✦ høyre på Reiseradioen og plutseleg få høyre songen "Hyllest til Larkollen", ein song eg hugsar frå TV-serien Campingliv som gjekk på NRK tidleg på 2000-talet
✦ "50 saker en kan göra på sommaren för nästan inga pengar alls" hos Emma
✦ å kjenne skuldrene senkje seg og berre nyte roa på hytta ute på Kråkerøy
✦ fullt hus, skjønnaste elefantungen, "How 'Bout A Cup Cat of Coffee?", søte andungar og desse kattungane, alle hos cuteoverload.com
✦ finne noko fint på bruktbutikken Kyrkjetorget
✦ snart vere ferdig med fotobok frå turen vår i fjor
✦ at fine Ida delte Vinjerock-innlegga mine i dette innlegget
✦ gå ein tur ikkje langt unna barndomsheimen til mannen min, sjå ein kul sykkel med ein blomekasse og berre ta livet med ro
✦ eit fantastisk fargerik blogginnlegg hos Girl with Curves
✦ ete lunsj og drikke kaffi på kaféen Tante Bruun i Ålesund
✦ å finne kjærleiken sjølv om ein er sytti år gammal
✦ kose med finaste Jeremias
✦ shoppe ute på Devoldfabrikken og vere på utflukt ute på Alnes fyr og Giske kyrkje

2 fine tankar - legg igjen noko fint du også

tea sa...

For en fin liste! Jeg likte også veldig godt teksten om hvordan man vet at partneren er den rette ^^ utrolig mange fine og koselige svar, likte også at det ikke trenger å være så komplisert. Noen ganger så vet man det bare, og så enkelt er det. Takk for link til bloggen min, fine du! ^^

Silje sa...

Jepp, utruleg mange koselege og fine svar med det faktum at det ikkje alltid er så utruleg komplisert. Det berre er slik! :) Ønskjer deg ei kjempebra veke, Ida ^^

Legg igjen ein fin tanke