11. mai 2015

Konfirmasjonshelg på Årnes

Tilbake til kvardagen og oppgåveskriving. Har halvanna veke igjen før innleveringsfristen for oppgåva går ut, og det skal bli så herleg å få levert den, bli ferdig. Berre konstentrere meg om bryllaupet :) Vil i dag berre leggje ut nokre bilete frå konfirmasjonshelga. Me sat på med mamma og pappa, og saman reiste me alle fire av garde torsdagskveld. Det blei pensumlesing, me høyrde på musikk frå 60-talet og regnbogen titta jaggu meg fram før me var framme i Grimstad der me overnatta frå torsdag til fredag. Fredagen brukte me til å køyre frå Grimstad til Oslo, og på vegen bort var me som nemnt innom Horten der me besøkte tante og onkel. Elles åt me middag på Egon då me var framme i Oslo, og resten av fredagen tok me det heilt med ro. Han og eg overnatta i leilegheita til kjærasten til onkelen min frå fredag til sundag. Med det blei det ikkje hotell på oss, men med god frukost og fint soverom, var det jo nesten hotellstandard :) På laurdag var det dagen for sjølve konfirmasjonen. Seremonien var i Nes kulturhus, og etterpå drog me til eit lokale der festen skulle vere. Bordet var pynta så fint med blå detaljar og også detaljar som har samband med skiskyting. Konfirmanten er nemleg veldig interessert i sporten og han driv mykje med dette på fritida. Han viste oss korleis ein siktar med rifla, og kjærasten min fekk også prøve (rifla var ikkje ladd, altså). Middagen var god og kakene endå betre ;) Og som vanleg måtte eg posere litt i bunaden. Plutseleg var laurdagen over, og i går brukte me jo heile dagen på å køyre heim. I og med at det ikkje var fullt så interessant, blei det ikkje tatt nokre bilete. Men ei kjekk helg saman med fine folk var me alle einige om at det hadde vore! Gratulerer så mykje endå ein gong til konfirmanten :)

2 fine tankar - legg igjen noko fint du også

Ida sa...

Det er så koselig med konfirmasjon! Ser ut til at dere hadde en veldig fin helg :) masse lykke til med innspurten på oppgaveskrivingen!

Silje sa...

Heilt einig i at konfirmasjon er koseleg, og kanskje litt ekstra når ein møter fine folk som ein ikkje ser så mykje til vanleg :) Og takk for lykkeønsking med tanke på oppgåveskrivinga ^^

Legg igjen ein fin tanke