Lune dagar trass tidlege morgonar

"Svart senker natten seg i stall og stue...", for i dag er det 13. desember og Luciadagen. Me laga til og med lussekattar i dag, og det blei knallgode! Fem tidlege morgonar er ikkje akkurat favoritten, så det å kunne sove litt frampå no i helga var veldig greitt. Men det har no i alle fall vore kjekke dagar på jobb med den raraste humoren og den beste julemusikklista (hint: det er den eg har laga som eg også høyrer på her heime). Ettermiddagar med te, stearinlys og bok, julegåvene er nesten i boks, me har fått installert ny komfyr, sett julefilmen Elf og julekonsertar. Fleire fine punkt:

✦ romkom møter Groundhog Day i denne søte, rare og herlege julebok, nemleg In a Holidaze

✦ så søt, liten ulv med hikke

✦ årets adventskalender til han frå meg

✦ lo godt av vekas Huskestue der Magnus Carlsens lag vann suverent over Dag Ottos lag

✦ elskar filmen Les Choristes, og denne konserten med songane frå filmen er berre nydeleg

✦ telyshaldaren i vindauget frå Dottir Design, kjøpt hos Keiserens nye, gir det varmaste lyset

✦ Julemeloditimen med KORK frå 2016 og Filmavisen – julespesial 1962 på NRK Nett-TV

✦ "Top 10 Iconic Fred Astaire Dance Scenes" – fordi Astaire var den beste og stepping er tingen

✦ lese Fire julefortellinger av Selma Lagerlöf som den siste litteraturprisvinnaren

✦ julestjernene ved Breiavatnet lyser like varmt som julehjarta

✦ "En hyllest til det ustreite" – 30 år sidan premieren på Døden på Oslo S, og dette var fin lesing

✦ desemberhimmelen i rosa fargar

✦ og adventstjerna med den rosa himmelen i bakgrunnen var eit flott syn

✦ ettermiddagar med favoritte i ein av favorittkoppane, kalenderlyset og ei god bok

✦ Kong Haakon-konfekt på jobb frå ein av svømmeklubbane som takk for godt samarbeid

✦ tenk når me kan reise igjen, til dømes til finaste London, akkurat slik Ida gjorde for eit år sidan

✦ streame UiS sin julekonsert

✦ og denne songen frå julekonserten måtte eg legge til i julemusikklista mi med ein einaste gong

✦ sjå kortfilmen The Snowman i Kuppelhallen med live orkester på scena 

✦ eg blei så klart veldig rørt, og tårene rann då solisten song "Walking in the Air" 

✦ Eides språksjov med Ole Edvard Antonsen som gjest

✦ bake lussekattar med ekte safran